Israel te Covid-19 restrictions nemite protest korishe

October 4, 2020. Israel desh te hazar manuh bahar te loikena notun Covid-19 lockdown kelaff te protest korishe koikena media para janai thishe. Notun hoshari hokom hesab te, desh manuh khan ghor bahar para ek kilometer agae te protest nakoribo, etu samay protest manuh khan logot socially distanced groups pithor te 20 oper manuh nathakibo, koikena Times of Israel para koishe. Saturday din te, socially distanced rallies toh desh pura te thakishe, hoilebi konuba chaka te police aro protesters majot te laria korishe. Etu samay, komti hoilebi 38 manuh ke Tel Aviv chaka te thurishe, koikena police para statement te “public hokom namana nemite aro police officers ke hamla kora nemite”. Sunday pujur dak te, 37 thura manuh ke jarishe, hoilebi ek jun ke toh officer ke hamla kora nemite thurina ase. Jerusalem te lockdown hokom namana nemite 4 jun ke thurishe. “manuh besi para hokom toh mana nai, rasta bondh korishe, aro officers khan para kowa kotha naloina chakara korishe. “tangor group ekta para emergency hokom beya korishe aro distancing nathakina aro mask be laka nai koikena statement para koishe. Etu samay, “Black Flags” movement koikena Saturday din te 100,000 manuh para desh pura thakishe. Desh pura protesters oper te jamila besi olaishe koikena The Times of Israel para koishe. Jerusalem te, 81 umer maiki ekta ke rasta te thakina kerai thishe koishe. Northern Tel Aviv te, protesters khan koishe ke, ek jun maiki ke marishe aro jokom kori thishe. Channel 13 para khobor koishe ke, Pardes Hannah te protester ek jun laga hath beya hoishe, e samay Holon aro Ramat Gan te protester khan logot bottle para be marishe koishe. Defence Minister Benny Gantz para koishe ke, protesters khan logot hamla kora toh “loboli napreh” etu nemite police logot kolti manuh ke thuriboli koishe.