Agencies, 14 May: Israel para Gaza jaga te hamla gara korise kelay koile larai kori thaka fifth din te Palestinian militants para Israel te rockets hamla kori thaka nemite. Israel laga military para Friday hamla te air aro ground forces toh mela thakise koise hoilebe Gaza te kusha nai koise.
Monday para larai suru howa para komti hoilebe 122 manu toh Gaza te morise aro eight toh Israel te morise.
Jewish aro Israeli-Arab mobs be Israel pithor te fight kori thakise. Etu para president para civil war hobole hosiyar janaidebole olaise.
Defence Minister Benny Gantz para internal dekthari te control koribole nemite security forces gara koribole hokom deya thakise aro etu para 400 opor manu ke arrest howa dekhise. Police para Israeli Arabs toh besi phak gondogol nemite zamidari ase koise aro Jewish youths laga gangs para Arab khor te target kora samai tai khan khara (standing) thakise bodhnaam kora te reject korise.
Gaza aro Israel te etu hapta laga gondogol toh 2014 bechae para sobse beya ase. Etu gondogol naha agae hapta phali East Jerusalem te Israeli-Palestinian tension otha thakise. Hamas, militant group para Gaza te rule kora para Israel ke site para withdraw koribole warning deya bechite rockets hamla kora suru korise.
Israeli military para Hamas tunnels laga ekta network beya koribole nemite rati te operation lowa thakise koise hoilebe sepai khan Gaza te kusha thaka nai koise. Aro Thursday rati aro Friday bhujor majote aro 220 projectiles toh Gaza Strip para hamla kora thakise koise.
Southern Israel te, ekta 87 omar ama toh Ashdod osor bomb thaka jaga te tai kera (fall) bechite morise. Tusara jaga target howa Ashkelon, Beersheba aro Yavne thakise.
Gaza’s health ministry para hamla suru howa bechae para 31 bacha khan mora khan majote ase aro tusara besi civilians morise koise. Tusara 900 Gazans be jokhom paise koise. Israel para Gaza te mora dozens toh militants thakise aro konbah mora toh Gaza para misfired rockets nemite thakise koise.
Friday bhujor Israeli PM Benjamin Netanyahu para statement deya te desh laga military operation Palestinian militants kelaaf lakiya (as long as necessary) tak joli thakibole koise. Tai para be Hamas para bhari daam debo lakibo koise.
Ekta Hamas military spokesman para group toh Israel’s military ke gara lessons hekabole daiyar thakise koise aro ground hamla logote agae jabole fesla koribo hotishe.
Thursday te Israel laga military para 7,000 army reservists mata thakise aro sepai aro tank toh Gaza te border osor te potha thakise.
Tai khan para Gaza te ground hamla toh ekta option thakise manibole nemite hoilebe fesla nakori kena ase koise.
Add Comment