Gaza, 19 January 2025: Israeli military khan pra koishey special forces khan solider laka body paishey kun ke 2014 laka Gaza war te murai dishey, kun toh Hamas khan pra etu time pra hostage rakhi thaki shey. Staff Sgt Oron Shaul laka body toh covert, special operation kura time te paishey Israeli military khan pra aro Shin Bet security service pra Gaza te, statement laka hisap pra. Tai laka ghor manu ke janai dishey identification procedure hoi kina National Institute of Forensic Medicine and Military Rabbinate khan pra kura laka, enika koishey.
Hamas khan ke expect kuri ase Shaul laka body toh dibo leh Gaza laka nutun cease fire aro hostage release deal laka hisa hoina, kun toh Sunday din morning pra implement hubo leh ase hoileh delay hoi kina ase. Palestinian armed group khan aro tinta alak Israeli seized kuri kina 7 October 2023 hamla pra Israel te, kun toh Gaza te echa laka war toh shuru kuri shey. tadeh pra ekta soldier toh murai dishey combat te 2014 te, Lt Hadar Goldin. Alak duita civilians toh bisas kuri ase zinda thakibo leh.
Ethiopian-Israeli Avera Mengistu aro Bedouin Arab Israeli Hisham al-Sayed ke 2014 aro 2015 te respectively seized kuri shey taikhan nijor Gaza crossed kura pichi deh. Israeli government khan pra koishey duijun b mental health issues pra suffer kuri thaki shey etu time te. Israeli Defence Force (IDF) laka spokesperson Rear Adm Daniel Hagari pra koishey Shaul toh battle te giri jaishey Gaza city laka eastern Shejaiya district te 20 july 2014 te aro Hamas terrorist organization khan pra abduct kuri dishey.
Add Comment