Agencies:Jewish minor kun laga DNA toh pathor para besarishe. Police khan bisas kuri ase ke etu manu para etu aki pathor loi kena jua saal Palestinian maiki ke West Bank te murai dishe. Etu manu ke Thursday fusur te manu murai diya nimite police para formally charge kurishe.
Wednesday Rishon Lezion Magistrate Court para Aisha Mohammed Rabi laga main suspect laga DNA laga khobor toh khobor reveal kurishe. Aro etu nimite court para prosecution ke Jewish teenager khilaf te formal charge dibole 24 hours dishe.
Rabi toh tai laga mota Yacoub aro tai khan laga nou saal laga chukuri logote West Bank checkpoint osor te pungch samay te tai khan laga gari opor te Israeli settlers khan para pathor marishe. Etu West Bank checkpoint toh Nablus laga south te ase. Etu Palestinian maiki ke murai diya te panchta minors ke shak kuri ase.
Etu shak te thaka manu ke December 30 te poila arrest kurishe. Hoile bhi tai laga detention toh bishi bar extend kurishe.
Add Comment