Israeli troops kan para jokom kah Palestine manu keh jeep deh banti di shae

June 22, 2024: Israeli army forces kan Occupied West Bank City laka Jenin deh arrest operation kura time deh, ekta jokom kah Palestinian manu keh, military gari laka upor deh bandi nah rakhi shae, news agency Reuters para report kuri shae. Israeli military para wanted suspects kan keh duri bole ekta counterterrorism operation kura time deh, utu Palestinian manu tho jokom kai shae kui shae. Ekta statement deh, military para soldiers aro suspects majo deh gunfire taka time deh, ekta suspect tho jokom kai shae kui shae aro duri lui shae kui shae. “Order aro standard operating procedures laka  violation deh, forces para suspect keh gari laka upor deh banti nah lui shae,: news agency AFP para Israeli Defene Forces (IDF) keh quote kuri shae ekta statement deh. Military para video deh taka forces laka conduct tho Israeli Army laka values follow nakureh kui shae aro incident tho investigate kuri nah deal kuri bo kui shae. Military para utu Palestinian manu tho, medical personnel lokot deh patai dibo kui shae, medical attention karne.