Israeli Troops para West Bank Mosque dey lukai thakia 5 Palestinian ke muraishey

West Bank, 29 August : Israeli military para kuishey ki Thursday dey taikhan laga troops para five Palestinian fighters ke murai dishey kun Tulkarm laga West Bank  sheher laga ekta mosque pitor dey lukai thakishey. Itu operation, kuntu ekta Reuters witness kurishey itia tak khotom huanai, Wednesday dey shuru huishey kitia helicopters, drones aro armoured personnel carriers para back kurina hundreds Israeli troops para Tulkarm, Jenin aro Jordan Valley laga jagah khan laga flashpoint sheher khan ke raid kurishey. Jawwal dey complete network outage bhi thakishey, Gaza aro West Bank laga Palestinian territories dey tuita main telecommunications companies maju dey ekta, Reuters witness laga hisab dey. Palestinian health authorities para kuishey ki kom se kom 12 Palestinians itu Wednesday laga operations dey jaan jaishey. Jenin dey, khali, rubbish-strewn raasta dey bulldozers edge kurishey, kitia aakash dey drones laga awaaz huni thakishey. Hamas, Islamic Jihad aro Fatah factions laga armed wings para alag statements dey Wednesday dey kuishey ki taikhan laga gunmen para Israeli military vehicles laga khilaf Jenin, Tulkarm aro Far’a, Jordan Valley dey ekta town, dey bombs detonate kuri asey. West Bank dey clashes bishi hui asey, kitia Gaza dey Hamas logot Israel laga war 11 mahina agey dey shuru huishey.