Agencies, 29 March: ISRO laga part, Vikram Sarabhai Space Centre (VSSC) para rockets bona toh rokhai rakhise aro ventilators laga design aro sanitisers, oxygen canisters aro masks bonabo nemide samai deshe.
Institute para etu kora lockdown samai te manu khan ke emergency laki-thaka te debo nemide ase.
Somanath, Director of VSSC koise, VSSC te sob staff toh phal para ase aro Coronavirus para affect howah nai.
Thiruvananthapuram, Kerala te VSSC thaka toh Indian Space Research Organisation (ISRO) laga part ase. Tai khan para rockets bonai aro Indian aro foreign satellites launch kori.
Somanath koise, “Ami khan para ventilators design kori ase aro etu toh aji kali thaki-thaka para ektum alak hobo. Ami khan para ventilators toh sosta para jolabole aro power supply nathaka time te be jolabo karni design kori ase”.
Tai koise, VSSC laga kaam toh khali design kuribole laga ase aro bona toh industries para bonable ase.
Somnath aro koise, “Ami khan sanitisers toh thuri kena thaka khan aro tusara te jolabo nemide bonai ase. Ami khan para 1,000 litres opor bonaishe. Etu nesana masks toh employee societies para bonaishe.
Employees ke toh khor para kaam kuribole koise aro VSSC’s communication aro computer systems be phal para kaam kori ase.
Somanath aro koise, “Ami khan laga communication aro computer networks toh phal para ase aro kon khor para kaam kuribole pari tai khan khor para kori ase aro kaam laga operations toh deploying necessary staff para kori ase. Ketiya lakae vedoe conference be loi ase”.
Add Comment