Cairo, 11 November : India laga top pistol shooter Manu Bhaker aru Esha Singh Monday te Cairo te hoi thaka International Shooting Sport Federation (ISSF) World Championship Rifle/Pistol laga women’s 10m air pistol final te duk paise, jitia duijon bhi promising shuruat piche individual medal miss kori dise.
Double Olympic medallist Manu Bhaker, juntu Paris Olympics te individual aru mixed team event te bronze medal jiti thakise, final te control te thakise, kintu 14th shot te ekta costly 8.8 score loi tai first place pora seventh te down hoi jai, aru 139.5 score te finish kori dise.
Esha Singh, juntu multiple Asian Games medallist aru recently Ningbo, China te World Cup gold jiti thakise, decisive phase te bhi falter kori dise. 20 saal laga Esha 10.7 laga ekta bhal shot piche 14th attempt te 8.4 shot kori dise, aru eight-shooter final te sixth position te finish kori dise.
China laga 20 saal laga Yao Qianxun calm performance dikhai gold jiti ase 243.0 score te, Hong Kong-China laga Ho Ching Shing silver loi ase (241.2), aru China laga Wei Qian bronze loi ase (221.4).
India ke kintu consolation paise team silver medal te, jitia Esha (583), Manu Bhaker (580), aru world No.1 Suruchi Inder Singh (577) milik ekta total 1740 score banai second place te finish kori dise, China laga pichete.
Add Comment