Munich, 18 June : India laga pistol aru rifle shooters laga exceptional performance dekhaise ISSF World Cup 2025 Munich te, juntu te India total 4ta medal jitishe — 2ta gold aru 2ta bronze. Etu result India ke overall points table te dangor third position te uthai dise, China aru Norway laga pichhe te thaki.
India laga medal journey shuru hoise duibar Olympian Elavenil Valarivan pora, jun women’s 10m air rifle category te bronze medal jitise. 25 saal laga Elavenil final round te 231.2 score kori bronze loi jise, aru qualification round te 635.9 score dise, jun nijan desh laga new national record ase.
Dusra bronze medal India karone loi ahise Sift Kaur Samra, jun women’s 50m rifle 3 positions event te third position te finish korise. 23 saal laga Sift — jun etu event te world record holder bhi ase (2022 Asian Games te 469.6 score dise) — final round te 453.1 score kori podium te uthi jise. Etu win pichhla Buenos Aires laga 2025 ISSF World Cup te tai jita gold medal laga pichhe ahise.
India laga patham gold medal itu tournament te loi ahise ekjon young talent Suruchi Singh, jun women’s 10m air pistol event te champion hoise. 19 saal laga Suruchi final round te 241.9 score dise, aru top position te finish kori gold medal jitishe. Etu tai laga etiya porjonto tisra gold medal ase ISSF World Cup te etu saal, pichhla Buenos Aires aru Lima te bhi gold jitishe, jun tai laga dominance confirm korise.
India laga dusra gold medal ahise Arjun Singh Babuta aru Arya Borse laga pair pora, jun 10m air rifle mixed team event te gold jitishe. Tai dujon final te China laga Wang Zifei aru Sheng Lihao laga pair ke 17-7 score pora haraise. Qualification round te India laga pair 635.2 score korise, China laga 635.9 te pichhe thakile bhi, final te commanding performance dekhaise. China laga score qualification world record bhi banise.
Add Comment