New Delhi : India laga Sonam Maskar, mahila laga 10m air rifle event te ISSF World Cup final 2024 te silver jiti loise, Tuesday din te.
Sonam final te 252.9 score mari loise, Olympic champion Huang Yuting (China) gold jiti loise notun world record 254.5 score aru loi thakibole. France laga Oceanne Muller bronze loi jaise 231.1 score te. Next Indian khiladi, Tilottama Sen, final te sixth place te khotom korise.
Yuting taike China laga Han Jiayu laga world record 254 (2023 ISSF World Cup, Baku te) par kori thakise.
Mota laga 10m air rifle event te, Arjun Babuta medal round major part lead kori loikena fifth place te finish korise. Next Indian finalist, Divyansh Panwar, disappointing eighth place te thakise 124.0 points loi thakibole.
Arjun aru Divyansh qualification te top performance dikha thakise, 631.6 aru 631.2 points ke second aru fifth position te finish kori, 8-man final te entry koribo nimite.
Add Comment