Los Angeles, 19 August 2025: 24 sal laka actress Isabela Ferrer, juntu It Ends With Us te Lily laka younger version role kore, openly accuse kurishe director-actor Justin Baldoni ke tai ke legal tactics upor harassment kori ase, juntu tai laka co-star Blake Lively logot court battle majot ase.
Court te conflict; August 12: Baldoni laka legal team ekta motion file kuri dishe, claim kuri kina ki Ferrer subpoena laka response dia nai, juntu Lively laka ongoing lawsuit logot jora ase.
August 17: Ferrer laka lawyers rebuttal file kurishe, court ke request kuri dishe ki subpoena reject kuri dibo aru Baldoni upor sanction impose kuri dibo. Taikan argue kurishe ki Baldoni “bad faith tactics” use kuri ase harassment karone, genuine legal step naloi kina.
Tai khan claim kurishe ki subpoena notun evidence collect karone tailor nakora, aru Lively laka age request logot beshi overlap kori ase, juntu dekhai thake intimidation karone use kuri ase,impartial justice nahoi kina.
Ferrer already Lively laka subpoena comply korishe, aru tai laka contract hobo hisap te Wayfarer Studios ke tai laka legal expenses bear kuri dibo dorkar. Kintu tai laka team koishe ki studio ahi tak dhoribole comply nakuri, aru etu bhi pressure barai dishe.
Broader legal context; Etu legal battle majot Baldoni aru Lively logot beshi dangor dispute choli ase, juntu majot sexual harassment, smear campaign aru defamation laka arop ase. Duita side bhi lawsuit file kori dise, aru case March 2026 te trial jabo schedule kora se.
Etu development ekta notun dimension add kuri dishe, dekhai thake ki behind-the-scenes battle pora sob karone effect hoi—especially Isabela Ferrer nishina young actors ke, juntu nijor career aru personal integrity protect koribo try kori ase.
Add Comment