New Delhi, 30 October : IT: Welcome to Derry laga first episode JioHotstar te release hobo pora viewers khan karne bisi bhal response pai loise. 1962 te set kora etu first episode te dekha dise ki Derry laga curse Pennywise laga wapas ahibole karone nohoi — etu bar te, kon bhi safe nai.
First episode pora jeneka dangor excitement create hoise, horror genre laga fans khan eagerly wait kori ase story agey te kiman unfold hobo dikhibole.
IT: Welcome to Derry laga first season te total 8 episodes ase. Second episode October 31 te release hobo, aru finale episode December 14 te ahibo.
Episode 1: 26 October
Episode 2: 31 October
Episode 3: 9 November
Episode 4: 16 November
Episode 5: 23 November
Episode 6: 30 November
Episode 7: 7 December
Episode 8: 14 December
Etu series laga ensemble cast te ase Chris Chalk, Jovan Adepo, Taylour Paige, James Remar, Madeleine Stowe, Stephen Rider, Bill Skarsgård, Rudy Mancuso, Blake Cameron James, Amanda Christine, Matilda Lawler, Arian S. Cartaya aru Clara Stack.
Bill Skarsgård, juntu age IT film series te Pennywise laga role play kori thakise, tai etu series te bhi same chilling role reprise kori ase, aru story te fear aru evil laga origin explore koribo ekta small-town setting te.
IT: Welcome to Derry ekta horror-drama series ase, fictional town Derry, Maine te set, 1960s te. Series te Pennywise the Clown laga origin explore kori ase, aru etu Stephen King laga iconic novel pora inspired hoi ase — juntu pora IT (2017) aru IT Chapter Two (2019) film duita bana thakise.
Etu prequel series develop kori ase siblings Andy aru Barbara Muschietti (juntu film duita direct aru produce kori thakise) aru Jason Fuchs logot milikina. Series laga main aim ase Derry ke haunt kori thaka evil presence kene suru hoise — etu explore koribo.
Add Comment