Italy, 9 May : Iga Swiatek Thursday din Italian Open te laga campaign ekdom strong kori shuru korise, jitu te tai sirf 52 minutes te Italian khiladi Elisabetta Cocciaretto ke easily harai dise.
World number two Swiatek Madrid Open semi-final te Coco Gauff logot straight sets te harai thaka pora Italy ahise, kintu etu match te tai pura dominate kori 6-1, 6-0 score logot jeetise. Etu jeet logot tai third round te American Danielle Collins logot face koribo.
Swiatek already Italian Open teen bar jiti luise, aru etu clay court tournament ke tai French Open title defend koribo jonno ekta important step hisap te loi ase. Kintu etiya tak tai etu season ekta bi tournament jiti nai.
Dusra second round match te former world number one Naomi Osaka ekta tough match pora comeback kori “lucky loser” Viktorija Golubic ke 2-6, 7-5, 6-1 score logot harai third round te pounchi aise.
Sixth seed Jasmine Paolini, jun laga home crowd full support kori thakise, New Zealand laga Lulu Sun ke 6-4, 6-3 score te easily harai dise. Tai next round te Ons Jabeur logot khelibo, karon Tunisian player Jabeur Petra Kvitova laga walkover benefit loi third round te directly pounchi aise.
American third seed Jessica Pegula bhi third round te jaga banai luise, juntu te tai fellow American Ashlyn Krueger ke 6-4, 6-2 te harai dise. Tai next match te 25th seed Belgian Elise Mertens logot hobo, jun Suzan Lamens ke three sets te harai aise.
Australian Open champion Madison Keys (USA) bhi next round te progress korise, juntu te tai France laga Varvara Gracheva ke 7-6 (7/4), 6-1 score logot harai dise.
Madrid Open semi-finalist Elina Svitolina bhi laga tournament ekta jeet logot shuru korise — tai Jessica Bouzas Maneiro ke 6-4, 7-6 (7/2) score logot harai dise.
Men’s category te, world number one Jannik Sinner Saturday din Argentina laga Mariano Navone logot match khelibo. Sinner etu match te three-month doping ban pora wapas ahibo. Navone Thursday din Federico Cina ke 6-3, 6-3 score te harai qualify korise.
Dusra men’s match te Hungarian Fabian Marozsan Brazilian rising star Joao Fonseca ke straight sets te eliminate korise. Fonseca February mahina te Buenos Aires te first Tour-level title jiti thakile bi, Europe laga red clay te Madrid Open aru Estoril challenger te early exit hoise.
Italian fans laga favourite Fabio Fognini laga last home Masters event te tai 37 saal umr te Briton Jacob Fearnley logot 6-2, 6-3 score te harai tournament pora exit korise.
Add Comment