Italian Open 2025: Zheng para Sabalenka ke haraishey

Italy, 15 May : Khel dhangor hoile bhi, surprise aru upset to hamesha thake, aru etu bar tennis te ekta dangor upset dekha paise — Women’s world number one Aryna Sabalenka ongoing Italian Open pora bahar hoigise.

Madrid Open jeetithaka Sabalenka ke Chinese eighth seed Zheng Qinwen quarter-final match te 6-4, 6-3 score te harai disey aru tournament pora eliminate kori disey.

Dusor side te, men’s third seed Carlos Alcaraz etu season laga nijor ekta best performance buli koi thaka match te jeet luisey, aru semi-final te reach korise — juntu te tai logot mukabla hobo juntu opponent ke Monte Carlo te last month beat kori thakise.

Spanish star Alcaraz laga Draper upor te bhal jeet, etu season laga third title paibole chance alive rakhi dise, aru etu win pisot world ranking te number two position te uthi aagise, Jannik Sinner laga pisot.

Din laga last match te, current world number two aru defending champion Alexander Zverev nijor Rome title aru ranking duita he harai disey, jitia tai home favourite Lorenzo Musetti logot 7-6 (7/1), 6-4 score te harigise.

First set te dujon ek-ekta break exchange korise, aru Zverev 5-5 te Musetti ke break kori, next service game te 40-0 lead luisey — juntu te dekhaise jeno set jiti lobo.

Kintu Musetti, Italian crowd laga full support logot, charita set point bachaise aru tiebreak te pura dominate kori 7-1 score te first set luisey.

Second set te Zverev umpire logot argue korile bhi, court te control thaki thakise 4-4 tak. German player dekhaise jeno next break paibole ase, kintu ninth game te Musetti laga ekta zabardast backhand winner break point luisey aru convert korise. Tar pisot tai nijor serve hold kori 30 point te match finish korise — aru etu saal laga clay court te tai laga third semi-final reach korise.

Aru etia, Casper Ruud laga Madrid aru Rome double title dream te ekta dangor challenge ase — world number one Jannik Sinner. Ruud, jun world number seven ase, postponed match te Jaume Munar ke 6-3, 6-4 score te harai quarter-final te reach korise, juntu te Thursday din Sinner logot face koribo.