Italy, 13 May : India laga Internazionali BNL d’Italia 2025 campaign Tuesday din disappoint korike khtam hoise jetiya veteran Rohan Bopanna aru tai laga Czech partner Adam Pavlasek men’s doubles laga pre-quarterfinals te British duo Joe Salisbury aru Neal Skupski logot straight-set te huri jai.
Bopanna aru Pavlasek 3-6, 3-6 score te huri jai ekta match te junhitu sirf 1 ghonta 8 minute tak chali thakise. British pair khan Rome laga red clay court te bisi clinical performance dikhai dise.
Itu hara naiki Bopanna laga ATP Masters 1000 tournament te journey khtam hoise, aru India laga men’s doubles te participation bhi finish hoise, karon Yuki Bhambri aru tai laga partner Robert Galloway already opening round te huri thakise.
Bopanna aru Pavlasek ekbar tournament te dangor performance dikhai thakise, jetiya first round te sixth seed Michael Venus (New Zealand) aru Nikola Mektić (Croatia) ke harai thakise. First set 4-6 huri jabole pora, Indo-Czech pair tie-breaker te second set loi jai aru super tie-break te 10-4 score te match jeeti thakise.
Kintu Salisbury aru Skupski laga strong performance logot, Bopanna aru Pavlasek rhythm pabi nai. British duo duta set te early break loi, strong serve aru net te skillful play dikhai, juntu karone opponent khan ke chance di nai. Straight-set defeat te tai laga Rome journey bhal dhorika te khtam hoise.
India laga dusra representative Yuki Bhambri, jun American Robert Galloway logot khelise, opening round te fourth seed Marcel Granollers (Spain) aru Horacio Zeballos (Argentina) logot 1-6, 2-6 score te bhari hara pai. Itu match sirf 53 minute chali thakise, aru Bhambri-Galloway pair serve hold koribole na parise, aru tai khan laga higher-ranked opponent khan laga consistency logot match koribole na parise.
Add Comment