Italy, 6 May : Italy laga world number one tennis khiladi Jannik Sinner etiya three mahina doping ban pora wapas khelibo, aru Italian Open te taika first opponent hoibo pare taika nijor desh laga khiladi Federico Cina.
Sinner ke directly second round te bye diya hoise, junte tai wait koribo Cina aru Argentine khiladi Mariano Navone laga match winner karone.
Three-time Grand Slam champion Sinner etiya wapas ahise ban pora, jun ban World Anti-Doping Agency (WADA) logot agree kori thakise, karon tai 2023 March mahina te dui bar clostebol laga trace positive test paise.
WADA accept korise ki Sinner banned substance upor competitive advantage nohoi loi se, aru eta accidental contamination karone hoise, tai laga kunu fault nai.
23 saal laga Sinner January mahina te Australian Open title defend korar por para khelana band kori thakise.
Tai rival Carlos Alcaraz logot final ahibo age match nai thakibo, kintu world number 7 aru Madrid Open winner Casper Ruud tai laga quarter-final opponent hoibo pare.
World number 3 Alcaraz injury karone Madrid tournament para withdraw kori dise aru etiya loike Rome te ahise nai.
Alcaraz quarter-final te Britain laga Jack Draper logot khelibo pare — Draper ke Madrid final te Ruud haraise.
Add Comment