Italy te COVID-19 notun hokom junaise

Milan: October 18, 2020. Italian Prime Minister Giuseppe Conte para Sunday din te, COVID-19 notun cases utha nemite dosura hosari kam junai thiboli ase, koikena tai laga office para koishe. Saturday din desh te hotai cases besi utha nemite. Conte laga office para koishe ke, government para notun hosari kam koriboli local aro health authorities logot kotha koriase. Etu oper te individuals aro business khan ke be limit te rakiboli ase koishe. Italy toh first tangor European country pithor te COVID-19 bemar para besi beya hoishe, hoilebi, tai khan summer moina manuh pera aro business te tui moina lockdown kora beche, etai control te aniboli parishe. Olop hafta pithor te aro bemari cases toh uthi thakishe. Saturday din desh te aro 10,925 notun cases paishe, koikena health ministry para koishe, ek din pithor laga sobse besi paa ase. Friday din te 10,010 cases paikena thakishe. Government ministers khan para soru samay para lockdown kori ahishe, hoilebo officials para dosura hosari kam korishe aro social contact komti kori thishe. Northwestern chaka Liguria, Giovanni Toti laga head khan para Facebook te koishe ke, government para schools logot online aro manuh pithor te lessons dosura rasta olaboli koishe aro companies khan logot thur thakina kam koriboli kosihe. Government para 10 din pithor te restrictions tui(2) paar toh korikena ase, etu oper te ghor bahar te mask lagaboli mandatory aro public, restaurants, sports, aro konuba school activities jama kora chaka te limit thakiboli. Italian newspapers hesab te koishe ke, notun restrictions te non-essential kam neshina- gyms, pools aro sporting events khan ke be target koriase. Europe desh te Britain bechete, Italy toh bemari manuh morikena thaka toh second besi wala te 36,474 manuh morikena ase, koikena officials laga hesab te janai thishe.