April 30, 2021. Itanagar Capital Region (ICR) te Covid-19 bemar rokabo nemite district administration para junaishe ke, May 1 darik para rathi curfew thakibo. Etu restrictions toh hotai 9 pm para 5 am dak notun order naola dak jai thakibo koishe. Itanagar Capital Region district magistrate in-charge Talo Potom para Friday din order te koishe ke, curfew toh Covid-19 cases besi othi-thaka nemite ase. Thursday din ICR para sob meliakena 44 otun cases registered korishe aro state te active cases toh 252 hoikena ase koishe. District magistrate para koishe, ICR jaga te Covid-19 halat saikena joldi para Covid management aro control koriboli kam soruuh hoboli janaishe. “saikena jowa te manuh khan para COVID-19 neum toh bhal para najola nemite Covid-19 cases toh besi jai ase,” order te koishe. “etu nemite emergency kam toh manuh safety aro COVID-19 spread hoi thaka rokabo nemite rathi samai curfew toh ICR jaga te junai ase,” order te aro koishe. Hoilebi, curfew thaka samai administration para sob essential activities aro services toh bondh nakoribo koishe. Officers khan emergency services, medical & police personnel, fire & emergency services, district administration & disaster management arp dosura services khan curfew samai bondh nakoribo. Officers aro officials khan diplomats offices aro kaun manuh constitutional posts te kam ase aro media khan be curfew samai bondh nakoribo. Kaun manuh para etu order kelaff jabo, tai khan toh Disaster Management Act, 2005 laga Section 51 para 60 dak te aro Section 188 IPC pithor te saja pabo, koikena order te janaishe. Wednesday din te ICR district administration para alag order ekta te religious congregations aro public jama kora commercial kam sob bondh thakibo koishe.
