New Delhi, 21 April : Anne Hathaway ke People magazine 2026 laga “World’s Most Beautiful Star” crown kori dise, aru tai ekdom effortless elegance aru strong star power logot list top kori loise. Announcement ekta glamorous photoshoot logot ahise, ketiya tai black backless off-shoulder outfit te standout kori thakise.
Duita decade pora successful career thaka Anne Hathaway Instagram te gratitude show korise, magazine ke thanks janai dise cover te feature koria karone.
Etu khobor logot nostalgia bhi uthi ahise, karon The Devil Wears Prada laga iconic cast — Meryl Streep, Anne Hathaway, Emily Blunt aru Stanley Tucci — phir ekbar return koribo The Devil Wears Prada 2 karone. Film tu David Frankel direct koribo aru Aline Brosh McKenna script likhise, aru new cast members nisina Kenneth Branagh, Simone Ashley, Lucy Liu aru B. J. Novak bhi include kori ase.
Interview te Anne Hathaway Meryl Streep ke praise kori koi dise ki tai excellence define kori thaka ekjon legend nisina ase.
The Devil Wears Prada 2 May 1, 2026 te theatres te release hobo, juntu fashion drama genre te ekta iconic comeback hobo kuina expect kora ase.
Anne Hathaway nijor career te already khub achievements hasil kori ase — Academy Award, BAFTA Award, Golden Globe Award aru Primetime Emmy Award jeeta logot, aru tai laga films worldwide $6.8 billion pora besi earn kori ase.
Add Comment