Itu Assault Case Opor Tey Insight: Pastor Rhanlamo Kikon Para Kotha Kurishey

August 26, 2024: YPC Laga Pastor Rhanlamo Kikon para itu August 24^th, 2024 tey tai opor tey hoa laga assault opor tey olop kotha khan share kurishey, kuntu toh itu NSCN – K (khango) laga cadre ekta para tai opor tey murai diboley kushish kuria laga thakishey. Pastor para allege kuri asey ki, Akhekivi para haath theng para tai ke mara tey: itu culprit para tai ke ‘punch marishey tai laga matha tey aru tai laga gola dhurishey’ koishey. Itu Akhekivi koa manu toh hoiley tai ke bonduk dikhaishey aru open fire bhi kurishey, hoilebi tai ke Isor morom para tai ke guli laga nai, pastor para koishey. Pastor para koishey ki, tai khan laga sathi para he utu culprit logotey jhagara kuri kena bonduk toh chini loishey, aru eneka nakuriboley karney koi kena. Pastor para NPG khan ke appeal kuri asey, misa mishi laga eneka kaam khan nakuriboley karney koishey aru eke hoikena solution ulaboley koishey.