Hyderabad, 19 June : India laga sabse expensive film set laga photo budhbar din online leak hoise. Itu picture SS Rajamouli laga upcoming film SSMB29 laga set pora ahise, juntu te makers aru production designers khan Hyderabad te Varanasi laga ghats aru mandir pura recreate kori dise. Kotha hisab te, itu set bana bole cost hoise lagbhag 50 crore taka, aru etu pora SS Rajamouli aru laga team India te sabse expensive film set create korise.
SS Rajamouli India laga ekta dangor filmmaker ase. Tai laga film khan te perfection aru creative imagination dekha jai. Tai RRR aru Bahubali juntu blockbuster hit hoise, release korise. Eitu homoy te, SS Rajamouli SSMB29 buli upcoming film laga shooting te busy ase. Report anujai, eitu film laga set te filmmaker pura Varanasi laga ekta city Hyderabad te banaise, juntu te ghats aru mandir khan dekha jabo.
Itu set laga photo khan social media te viral hoise. Kotha anujai, itu set bana bole cost hoise 50 crore taka. Eitu Indian cinema laga history te sabse expensive set ase. Eitu set laga cost Sanjay Leela Bhansali laga film Devdas laga budget pora bhi besi ase. Apuni khan ke koi di, Devdas bhi India laga ekta expensive film te ginta jai. Sanjay Leela Bhansali Shah Rukh Khan aru Aishwarya Rai Bachchan thaka eitu film karone ekta dangor aru expensive set banai thakise.
Report te koi ase ki juntu din te film laga Odisha schedule khotom hobo, he din pora itu nijan set te shooting shuru hobo. SS Rajamouli laga eitu film te Priyanka Chopra, Mahesh Babu nisena stars khan dekha jabo. Priyanka India ahise itu film laga shooting karone. SSMB29 film laga opor te dangor excitement ase aru film laga sob detail khan manu khan dyan pora follow kori ase, jodi bi film laga makers official announcement ekhon bhi etiya nahikorai.
Ageta te SS Rajamouli laga film RRR release hoise. Itu film 2022 te release hoise aru sob record todise. Film te Ram Charan aru Jr NTR lead role te thakise. Film laga song Natu Natu ekhon Oscar Award bhi jitise.
Add Comment