December 11, 2024, 07:55 PM : Itu Chief Medical Officer, Kohima laga office para sob Department khan laga Head khan ke inform kurishey ki, itu Medical Board Examination khan, service khan, invalidation laga confirmation nimitey aru pension khan laga commutation nimitey, Grade- II aru IV staff khan toh hoiley conduct kuriboley asey, itu Chef Medical Officer laga Office, Kohima (Para Medical Colony) tey. Itu examination toh hoiley, itu Chief Medical Officer laga chairmanship under tey loboley asey, itu di kena thaka date khan tey: 6th March 2025, 8th May 2025, 10th July 2025, 4th September 2025, aru 6th November 2025 tey.
Sob examination khan toh hoiley 09:00 AM para shuru hobo.
Judi kunba schedule kuri kena thaka date khan toh chuti thaka laga din tey girey koiley, itu Medical Board toh hoiley next working din tey loidiboley asey. Department khan laga Head khan ke tai khan laga respective Draw kuria laga aru Disbursing Officers (DDOs) ke ke notify kuriboley koishey, aru ensure kurishey ki, intend thaki thaka candidate khan laga list toh, ekta contact number logotey advace para submit kuri di kena asey koi kena, itu Chief Medical Officer laga office tey, bhal para compile kuriboley karney.
Itu circular toh hoiley itu Dr. Leaminyei Konyak, Chief Medical Officer, Kohima District, Nagaland laga authority under tey issue kurishey.
Add Comment