November 18, 2024, 07:00 PM : Itu Nagaland Super League (NSL) Governing para toh hoiley itu press release issue kuri asey, inaccurate aru misinformation thaka toh clarify kuriboley karney, kuntu toh hoiley media tey ulai kena asey.
Itu information toh hoiley itya manu khan share kuri kena jai asey, itu franchise khan, operational guideline khan aru player recruitment detail khan laga list bhi milai kena. Itu NSL Governing Body toh hoiley eku eneka official statement release kuria nai, nahoilebi eku detail khan laga related release kuria nai, itu franchises karney, eligibility karney ki lagi asey utu khan nahoilebi operational framework khan laga. Tai khan toh hoiley khali ekta document hey issue kurishey, apply kuriboley thaka club khan aru franchise khan nimitey, utu organization khan ke, kun khan toh hoiley participate kuriboley laga ekta interest logotey register kurishey, itu league tey aru itu toh hoiley internal document asey, itu register kuri kena thaka franchise khan nimitey hey khali.
Tai khan para media outlet khan, social media user khan aru itu general public khan ke urge kuri asey, itu toh aru share nakuria hoi jabi koi kena, kuntu toh hoiley misa misi laga asey.
Add Comment