February 01, 2025, 07:01 PM: Itu aru bhi banai thaka Road Over Bridge (RoB), Dimapur District Sports Council (DDSC) complex osor laga toh hoiley, khulidiboley asey, traffic nimitey, February 2nd, 2025 tey para shuru kuri kena. ROB toh hoiley jawa saal laga October 1, 2024 para bon kuri diya laga thakishey, rehabilitation laga kaam ke facilitate kuriboley.
Shuru shuru tey, itu project toh hoiley choi muhina bhitor tey para complete kuridiboley laga plan banawa laga thakishey, itu project laga timeline toh hoiley khali char muhina laga expedite kuria laga thakishey, administrative directive khan hisap tey chuli kena. Itu contractor laga hisap tey, itu bridge laga pura blacktop kuria toh hoiley, Saturday tak tey kotom hoi jabo koi kena, hoielbi itu kaam kuria toh hoiley thanda kuriboley homoi lagey, traffic nimitey nakhula agey tey, Sunday tey.
Itu repair kuria laga kaam toh hoiley, Public Works Department (PWD) National Highway Division para itu project laga kaam kuria laga thakishey, kuntu toh hoiley Innovative Construction para itu kaam toh khotom kuria laga asey, Rs 2.68 crore laga kharcha hoi kena.
Ekbar itu raasta toh khulishey koiley, itu ROB laga repair kuria laga kaam toh hoiley, significant para connectivity improve kuriboley asey, aru bishi homoi para traffic phashi kena thaka toh itya aram hoboley asey, itu Dimapur city pura tey.
Add Comment