June 02, 2025, 06:28 PM: Itu Sunshine Orchestra, Nagaland Chapter para ekta project, itu AR Rahman Foundation under tey, tai khan laga debut musical recital present kurishey, Centre of Excellence for Music & Arts tey para, Kohima laga, 31st May, 2025 tey, tatey Water Resources nimitey Advisor – Tongpang Ozukum toh Special Guest hisap thaki kena.
Ozukum para tai laga address tey, tai laga gratitude express kurishey, debut recital performance nimitey, itu Sunshine Orchestra, Nagaland Chapter para showcase kurishey, koishey ki, itu performance toh hoiley khali talent showcase kuria ekla nahoi, hoilebi itu toh hoiley progress aru achievement celebrate kuria laga asey, kuntu toh hoiley itu Sunshine Orchestra para accomplish kuria laga, paach saal tey, ekta MoU sign kuria pichetey, Dr. A R Rahman logotey, itu 2019 saal tey, TaFMA laga behalf tey, aru Chief Minister, Dr. Neiphiu Rio laga initiative logotey. Tai para state kurishey ki, ekta milestone toh hoiley achieve kurishey, TaFMA aru AR Rahman Foundation nimitey, aru The Sunshine Orchestra nimitey bhi.
Tai para emphasize kurishey ki, TaFMA toh tai khan laga commitment aru vision thaki kena, aji Nagaland tey music revolutionize kurishey aru musician khan ke nurture kurishey, kuntu toh hoiley Nagaland aru Naga music ke national aru global map tey jaga dishey, music laga aru tai khan laga effort aru creativity para toh hoiley musician khan laga ekta generation ke inspire kurishey, tai khan laga profession follow kuriboley, pride para aru music ke transform kuriboley, ekta platform tey, talent showcase kuriboley, identity laga, itu Naga manu khan ke unite kuriboley.
Tai para bacha khasn ke itu musical family logotey involve kuriboley koishey, itu The Sunshine Orchestra laga, kiley itu toh hoiley ekta lifetime opportunity asey, AR Rahman Foundation para, TaFMA para guide kuri kena aru tai khan ke grateful hoboley karney koishey, aru hosa thaki kena agey jaboley koishey tai khan laga profession tey.
Add Comment