Berlin: Bundesliga champions Bayern Munich pora Inter Milan aro Croatia winger Ivan Perisic logot te ek sal laga loan deal karne sign kurise, club pora Tuesday te confirm kurise.
“Ivan pora moi khan logot e tai laga bishi International experience sal pora modot kuribo,” Bayern sporting director Hasan Salihamidzic pora koise.
2018 World Cup finalist laga transfer confirmed howa laga khobor German media ke koise kintoh tai Monday Munich te medical checkup kuribole jai dekhise.
Bild newspaper laga hesab te, Bayern pora Croatian international ka-rne five million Euros ($5.6m) pay kurise, aro etu bhi season khotam howa somoy te tai ke 20 million Euros nishena pora tai ke kinibole laga option te loise.
Perisic pora Borussia Dortmund logot Bundesliga title aro Wolfsburg logot te German Cup chiti kena ase.
” Germany te wapas ahiya toh ektam khushi pai ase. Europe te Bayern toh clubs tangor ekta ase. Moi khan League aro Cup ekla chitibole mon nai, moi khan Champions League ke bhi attack kuribole mon jai,” Perisic pora koise.
German giants pora pohila te Sane ke target kurise, hoile bhi beche te tai khan laga mon Perisic te jaise.
Friday te Bayern proa tai khan laga Bundesliga season suru kurise.
Add Comment