May 04, 2025, 07:31 PM: Itu dui din laga International Association of Women in Radio & Television (IAWRT) Travelling Film Festival, Kohima tey loi thaka toh, 3rd May, 2025 tey para khotom hoi jaishey, CEMA, Kohima tey. Itu event tey 14 international para acclaim kuria laga movie khan aru documentary khan successful para screen kurishey, aru itu logotey insightful planel discussion khan kurishey, itu award jeeta documentary director khan aru producer – Aparna Sanyal aru Deepika Sharma logotey. Travelling Film Festival laga ekta highlight toh hoiley Velvet Revolution laga thakishey. Itu Velvet Revolution toh hoiley ekta unique collaborative venture thakishey, IAWRT para support kuri kena, kotey Executive Producer, Nupur Basu para maiki director khan logotey kaam kurishey, charta country khan para, kun khan film khan produce kurishey, paachta country khan tey, Illang Illang Quijano – Philippines; Deepika Sharma – India; Pochi Tamba Nsoh aru Sidonie Pongmoni – Cameroon and Eva Brownstein – USA/Bangladesh, tey. Itu dui din laga Travelling Film Festival tey kotha kuri kena, Aparna Sanyal kun toh hoiley IAWRT India laga managing trustee asey, tai para khushi thaka express kurishey aru itu IWART Travelling Film Festival toh finally Nagaland tey aniboley para nimitey, kuntu toh hoiley paach saal para planning stage tey thakishey.
IWRT Travelling Film Festival Khotom Hoishey, 3rd May, 2025 Tey
Add Comment