May 3, 2021. Monday din Jammu & Kashmir laga Samba district te Pakistani Rangers para ceasefire neum beya korikena International Border (IB) te goole julaishe, koikena senior BSF officer para janaishe. A BSF spokesman para koishe, etu saal February 25 darik te tuita(2) desh pithor te notun agreement signed kora te border te jamila nakoriboli kotha te Pakistan para IB jaga 1st ceasefire neum toh beya korishe. “Pakistan Rangers para IB jaga, Ramgarh sector te 0615 samai goole jolaishe” koikena Inspector General of BSF, Jammu frontier, N S Jamwal para PTI logot koishe. Hoilebi, gooli jola te kaun manuh be jokom powa nai. BSF spokesman para koishe ke, Pakistani troops khan para fencing osor para patrolling party oper te gooli marishe. February moina te agreement hesab te India aro Pakistan para besi strict te neum toh maniboli kotha koikena ase. Etu tuita(2) desh majot te 2003 saal te ceasefire agreement signed korikena ase, hoilebi neum toh maniboli nahoina kam toh beya koriboli kujus kori ase koishe.
J-K’s Samba te Pakistan para goole marishe
Add Comment