October 27, 2023: Jack Balck b ekta Swiftie ase kui nah janeh? Etu tho School of Rock actor para khali boxers lakai nah Anti-Hero laka gana kuri kinah prove kuri shae. Anti-Hero tho Taylor Swift laka Emmy Award-winning track ase. Tai etu gana tho live audience laka agae deh kui shae.
Ekta user para X deh etu hua laka video post kuri shae Thursday din deh. Etu video deh tai khali boxers lakai nah taki shae live crowd laka agae deh. Tai crowd keh tai lokot interact kuri b kui shae aro taikan keh gana laka request kuri shae. Manu kunba para Anti-Hero suggest kura time deh tai para etu kui shae, “ Mui etu gana jane. Sob manu etu gana jana.” Tai tu piche deh Anti-Hero gana kuri taki shae aro crowd b taikeh jhor para cheer kuri taki shae. Olop piche deh tai tho gana laka lyrics follow kuri bole para leh hoile b kushi kushi kui nah gana kuri taki shae.
Variety laka report isap deh, Jack tho Los Angeles laka Orepheum Theater deh perform kuri taki shae. Give Back-ular Spectacular! Show tho Wednesday deh organized kuri shae film aro TV members kan kun ongoing SAG-AFTRA strike karne affect hui shae, taikan karne funds raise kuri bole. Alak celebrities kan kun b etu event deh perform kuri shae. Alak celebrities kan tho Dax Shepard, Jeremy Allen White, Bryan Cranston, Lily Tomlin, Halle Berry, aro Rachel Bloom kan taki shae.
Add Comment