California, 3 October : Anaheim Ducks notun franchise record set kurise defenseman Jackson LaCombe ke eight-year, $72 million contract extension sign kuri kene, Thursday din announce kurise. Itu contract laga average annual value (AAV) $9 million ase, aru itu Ducks laga history te sabse dangor deal hobo, Jackson LaCombe ke Anaheim laga rebuilding effort te ekdom backbone hisab te solidify kurise.
24 saal te thaka LaCombe, Anaheim laga top defenseman hisab te establish hoijase. Last season te tai 75 game te 43 points (14 goal aru 29 assist) score kurise, team te third place te thaki 129 blocks kurise aru sob skater te lead kurise average ice time 22:18 per game te. Veteran Radko Gudas logot tai laga partnership, defense anchor kuribole ability aru offensive spark add kuribole talent clear kuri dikhai dise.
Itu contract 2026-27 season para 2033-34 season logot effective hobo, aru tai laga current two-year bridge deal ($925,000 AAV) khotom hobo homoi te sign hoise. Itu $9 million AAV contract, New Jersey Devils laga defenseman Luke Hughes laga seven-year, $63 million contract logot align kure, kintu LaCombe laga deal ekta saal dangor hobo, Ducks laga history te ekta dangor milestone mark kuri dise.
Jackson LaCombe laga impact NHL para bahar te bhi dangor ase. Minnesota native itu US men’s hockey team ke 2025 World Championships te gold medal jitibole pivotal role kurise, jun 92 saal te first win thakise. Tai laga standout performance US Olympic orientation camp te spot dibole bhi help kurise, aru tai 2026 Olympic roster, Italy te candidate hisab te ekdom strong ase.
Add Comment