Lisbon, 9 March : Uganda laga runner Jacob Kiplimo Sunday din Lisbon Half Marathon te men’s half marathon world record phir loise. Tai 57 minute aru 20 second te race jitise, juntu 2024 te Yomif Kejelcha set kora record pora 10 second beshi fast ase.
Jacob Kiplimo age bhi 2021 te Lisbon te world record set kori thakise, kintu Ethiopian runner Yomif Kejelcha Valencia te ek second kom kori record loi loise.
Pacemakers nathaka race te, Jacob Kiplimo first 5 kilometre 13:28 te cover korise, itu pichete Kenyan runners Nicholas Kipkorir aru Gilbert Kiprotich thakise.
Tini manu 10km 27:00 te pahunchise, kintu itu pichete Gilbert Kiprotich pace dhori thaki naparina fade hoise.
Leaders jetiya 15km 40:52 te cross korise, pace ekta kom hoise. Kintu Jacob Kiplimo record target kori thakise karone pace aru barhai dise aru next 5km 13:31 te dorise, aru etu pace end tak maintain kori race jiti loise.
Add Comment