Hyderabad, 31 May : Bollywood actor Jacqueline Fernandez aru Ishaan Khatter, junkhini recently France te Cannes Film Festival 2025 attend kurise, tai khan Miss World 2025 laga 72nd edition grand finale te live performance dibo. Itu prestigious beauty pageant ‘Miss World’ laga grand finale event May 31, 2025 te Hyderabad te thaka HITEX Exhibition Centre te rakha hobole ase.
Thursday din Miss World beauty pageant laga official Instagram handle te ekta post share kora hoise juntu te announce kora hoise ki Jacqueline Fernandez aru Ishaan Khatter grand finale night te live performance dibo. Juntu manu janibole nai, Miss World 2025 laga grand finale SonyLiv platform te stream kora jabo 6:30 PM (IST) pora.
Recently, Housefull 2 actress Jacqueline Fernandez 78th edition Cannes Film Festival laga second day te attend kurise aru Women in Cinema Initiative te Indian cinema represent kurise. Tai laga Instagram handle te, 39 saal laga actress bisi picture share kurise tai laga look dekhibole. Second day te, tai ekta ivory shirt aru pants pindi thakise aru etu laga upor te ekta glided corset top pindi thakise. Tai ekta strapless red gown pindi red carpet te grace kurise honouree hisab te ‘Women In Cinema’ programme te, Red Sea Film Foundation logot.
Ishaan Khatter laga kotha koi to, Cannes Film Festival 2025 te tai red carpet te first time debut kurise. Tai tai laga upcoming film ‘Homebound’ laga premiere karone international film festival attend kurise, tai laga co-star Janhvi Kapoor, Vishal Jethwa, director Neeraj Ghaywan aru producer Karan Johar logot. The Royals actor Ishaan Khatter red velvet bandhgala pindi thakise, juntu famous fashion designer Gaurav Gupta custom-design kurise.
Add Comment