Jacqueline Fernandez ke ED para aji money laundering case te matisey

New Delhi, July 10 : Enforcement Directorate para actor Jacqueline Fernandez ke Wednesday din te ekta money laundering(galat kaam kurikina bisi poisa kama) case te actor Jacqueline Fernandez ke sawal kuribole matisey kuntu te conman(manu khan laga biswas jitikina taikhan ke dhoka diya manu) Sukesh Chandrashekhar shamil thakisey. Jacqueline, kun 38 years laga Sri Lankan Bollywood actor asey taikey jaija homoitey federal agency para high-profile(uccha thak te thaka) manu khan shamil thaka etu case te taikey sawal kurisiley. Etu high-profile manu khan majotey, poila laga Fortis Healthcare promoter Shivinder Mohan Singh laga maiki Aditi Singh shamil thakisey kun laga Sukesh para Rs 200 crore maan poisa khaisiley. ED para enaka koisey ki Sukesh Chandrasekhar para etu crime(jurum) para kama poisa nohoilebi illegal poisa ke Jacqueline nimitey gift kinibole cholaisey. ED para 2022 te file kora ekta charge sheet te koisey ki Jacqueline tu Sukesh laga criminal kaam laga bari te janikina thaka laga bawajut tai para diya saman, gehna aro daami gift khan enjoy kuri thakisey. Jacqeline ke etu case te poila te komsikom 5 bar maan sawal kurisiley. Jacqeline para hodai enaka koi thakey ki tai etu mamla te innocent asey. Aro Chandrashekhar laga criminal harkat laga bari te eku jankari thakanai. Ageyte, Jacqueline para request file kora te, ED para dawa kurisey ki Jacqueline para kitya bi hosa tu reveal koranai aro olta sacchayi ke lukaikina rakhisey, taikey sabut logotey samna nokora tak.