January 25,2024: Lingayat laka leader aru former Karnataka Chief Minister Jagadish Shettar koto tai BJP ki charishae Karnataka laka Assembly Election ake dhe 2023 sal dhe tai ki party rejoin kuriboli laka deny kura kurne. Thursday laka afternoon dhe tai BJP laka headquarter bunchishae koto dhe tai ki party dhe welcome back kurishae former CM BS Yediyurappa aru state BJP president BY Vijayendra laka presence dhe. Koto kotha huni takishae ki Jagdish koto laka associaiton BJP lokot lamba takishe aru tai laka last minute switch state election laka ake dhe kura dho bishi shocking takishae—aru tai switch kuriboli pari. Congress laka leaders kan apra koishae ki BJP leaders kan Shettar ki wapas aniboli bishi kusish kuri takishae. “ Etu ekta koboli para laka sign ase party laka weakness dhe. Tai kan lokot candidates nai etu ahiboli laka general election kurne,” Karnataka laka deputy cief minister D K Shivakumar para koishae Shettar BJP join nakura ake dhe.
“Etu Party para moiki past dhe bishi responsibilities deshae. Aru kunba issues kurne moi Congress party lokot jaishae. Karnataka laka BJP leaders aru workers kan moiki BJP dhe wapas ahiboli koishae. Yediyurappa ji aru Vijayendra Ji taijun bhi moiki BJP dhe wapas ahi dibo mun jai takishae. Moi party rejoin kuri ase aru ekta belief para join kuri ase ki Narendra Modi Ji aru PM ekbar hubo laki,” enika Shettar para koishae tai rejoin kura time dhe.
Jagadish Shettar koto six-term MLA (former ) Hubli para ase BJP laka party chirhsae koto tai ki party para ticket natia kurne. Tai Congress join kura biche dhe tai Hublu-Central Dharwad constituency kurne contes kurishae koto dhe tai BJP laka Mahesh Tenginkai lokot ekta dangor margin para harishae.
Shettar BJP chara time dhe April 2023 dhe tai koishae ki tai ki BJP laka senior leaders kan apra humiliate kurihsae aru tai laka decision etu Saffron party ki quit kuriboli laka dho final ase koishae.
Add Comment