Assam, May 19: Assam Police laga jeet hoishey, ekdum dangor quantity laga drugs seize kurishey ekta family laga haat para, Kathasema village Jagun para. Etu operation para husband, wife aro daughter-in-law laga arrest hoishey aro 450 grams laga heroin seize hoishey.
Sunday rati deh, police team ekta, Margherita Sub-Divisional Police Officer Sambhani Mishra (IPS), lead kurina Katha Buridihing Regional Youth Association logot deh collaborate kurina operation start hoishey. Operation deh taikan para Arun Nirmalia ke durishey aro tai laga maiki Zonmaya Nirmalia aro daughter-in-law Cheng Nirmalia ke durishey. Arun Nirmalia laga bacha, Rahul Nirmalia toh bagiwoley parishey aro tai ke itya police para bisari ase.
Police para 450 grams laga heroin seized kurishey worth Rs 10 lakh, aro etu logot Rs 18,000 cash tai laga family laga ghor para durishey. Drugs kan toh 36 soap box kan deh chupai na rakhi takishey. Arun aro Rahul Nirmalia toh poila bi arrest huina jailed hoishey koishey similar offence karney.
Arrest huijah manu kan toh itya Lekhapani police station deh interrogate hui ase aro authorities kan para drug activities laga opor deh information bisari ase.
Add Comment