NEW DELHI, SEPTEMBER 1 : Saturday din Delhi laga Radhapuri Jain Temple te Jain Monk Tarun Sagar murise. Etubi besi lamba pora bemar huikena thaka bejete. Aro tai etu mura toh 51 sal huikena murise koise.
Etu 51 sal dangor toh Jaundice aro tusera ailments bemar kan huikena thakise. Aro tai aji Saturday pujut 3:00 am pani phale murijaise. Tai ahkete toh Delhi laga Private Medical Centre te sabole jai kena thaka laga ase koise.
Etu Jain monk Tarun Sagar ke khushi bai kena Jain Community kan besi jun thaka laga ase (followers).
Tai mura nemite leaders kan besi jun pora mondukh kotha janaise. Etu ke Prime Minister Narendra Modi porabi ekdam mondukh kotha janaide thakise. Etubi tai mura karne tai (Modi) ke mon besi bekhai ase koi kena. Aro tusera leaders kan kobi Congress Party laga aro Delhi Chief Minister Arvind Kejriwal porabi etu Monk mura karne mondukh kotha janaide thakise koise.
Etu Jain Monk Tarun Sagar toh Madhya Pradesh laga Damoh District te junum hua laga ase. Etubi June moina darek 26, 1967 sal te. Aro tai laga asul naam toh Pawan Kumar Jain ase koise.
Tai logot kebi besi jun Politicians kan pora besi hisab (respect) kurikena thakise. Etu ke Prime Minister Narendra Modi, Haryana Chief Minister Manohar Lal Khattar aro Rajasthan Chief Minister Vasundhara Raje kan porabi besi hisab kurikena thakise koise.
