Rajasthan, 26 November : Rajasthan te cholijai thaka Khelo India University Games laga tisra din te motamoti 12 medal events schedule kori ase, jiman te swimming te sabse besi — 7 medal events thakibo.
Jain University, Karnataka laga athletes-khan etiya tak bishi outstanding performance disey, aru total 14 medal (8 gold, 2 silver) loi university-ke medal tally laga top te uthai disey. Guru Nanak Dev University, Amritsar 9 medal (4 gold) loi second position te thakise. Lovely Professional University, Punjab 6 medal (3 gold) loi third te ase.
Panjab University, Chandigarh aru Maharaja Ganga Singh University, Bikaner laga athletes-khan duita duita medal loi thakise.
Total 222 university participate kurise, jiman te 27 university laga athletes medal jiti loise, aru itu majot 12 university he kom se kom ekta gold medal loi thakise.
KIUG 2025 laga panchwa edition Rajasthan laga saatta city te host kori ase. Motamoti 4,448 athletes khan 23 medal events te compete kuri thakise. Games Sports Authority of India laga supervision te, Rajasthan Government aru State Sports Council laga collaboration te organise kori ase.
Add Comment