Jaipur, November 10 : Income Tax Department laga ekta team tu Friday din te Jaipur laga Ganpati Plaza private locker te investigation kuribole pungchisey. Etu investigation tu etu jag ate crore opor black money stire kurikina asey koikina iljam laga picheyte kurisey.
Etu team para etya etu plaza laga private locker khan laga talashi loi asey aro ekta locker para already Rs 7.5 lakh laga cash chini loisey. Dusra wala locker te ekta bosta bhorta poisa thaka pasiey aro etu poisa khan laga ginti chuli asey.
Income tax department para joldi hi aro kunba locker khan khulibole asey.
Juwa moina te, BJP leader Kirori Lal Meena para iljam lagaisiley ki paper leak kurikina kama black money(chor laga poisa) tu Jaipur laga Ganpati Plaza laga locker khan te store kurikina rakhia sey.
Etu team para October 17 te 3ta locker para Rs 30 lakh maan poisa recover kurisey. October 21 te, income tax department para locker khan para Rs 2.46 crore maan poisa paisiley.
Etya tak, etu locker khan para Rs 7 crore para bisi cash aro 12 kg para bisi sona recover kurisey.
Ganpati Plaza te 1,100 opor maan locker asey.
Add Comment