Jaishankar aro Blinken, Tokyo deh mili shae

July 28, 2024: Sunday din deh External Affairs minister S Jaishankar, US Secretary of State Anthony Blinken lokot deh mili shae, Tokyo deh. Taikan mila tho, regional, global issues aro bilateral ties deh kotha kuri shae. Tuita leaders tho Quad Foreign Minster meeting laka sidelines deh miki shae. Taikan mila laka photo share kuri nah, Jaishankar para Blinken lokot mila tho bhal taki shae kui shae. “Mukan laka bilaterial agenda tho asteh asteh para agae jai ase. Regional aro global issues deh b mukan bishi kotha kui shae. Khali Quad KMM keh attend kuri bole rukhi ase,” Tai para X laka post deh kui shae. Quad – Quadrilateral Security Dialogue tho ekta strategic security dialogue ase, kuto Australia, India, Japan aro united States laka majo deh ase. November 207 sal deh, countries kan Quad laka long pending proposal keh shape di shae. Taikan para ekta nutun strategy develop kuri shae, Indo-Pacific jaka deh taka critical sea routes tho influence laka bahar deh rakhi bole. Jaishankar, tai Quad Foreign Minister meeting karne ekta two-day visit deh ahi shae, Japan deh. India laka Ambassador to Japan aro Rpublic of Marshall Islands, Sibi George para taike receive kuri shae. Din deh minister para Edogawa, Tokyo deh Mahatma Gandhi laka bust keh unveil kuri shae aro Edogawa Mayor, Takeshi Saito, Sibi George laka agae deh ceremony tho attend kuri shae.