PEREN,DECEMBER 10,2019: Jalukie, Peren District 10th December, 2019 “Arise and Win” laga theme bithor te first ever Zeme Olympics shuru kurishe .Etu inaugural ceremony toh by Former CM of Nagaland & Leader of Opposition, T.R Zeliang (Advisor to Zeme Olympic Association) para special guest aro DC Peren, Sentiwapang Aier, NCS Guest of Honour hoikena shuru kurishe.
Etu Olympic toh Nagaland, Manipur & Assam laga Zeme Olympic Association (ZOA) para loishe .Sob milaikena etu tinta state laga 106 contigents khan alag alag disciplines etu te Men’s Football-70 teams, Men’s Volleyball-43 teams, Women Volleyball-25 teams aro Athletics khan te bhaagh loishe .Etu event khan toh charta alag alag jaka Govt. Hr. Sec. School Ground Jalukie town, Samziuram ground, Jalukie B ground aro Mhainamtsi ground te lobole ase .
Former CM of Nagaland & Leader of Opposition, T.R. Zeliang para tai laga address te organizers, Zeme Olympic Association (ZOA) kun khan kaamkurishe aro etu first ever Zeme Olympics lobole nimete mondikena kaam kura nimete khushi janaishe,Tai laga speech te koishe ki sport toh ekta important role play kuri ase human life lag overall development nimete aro bhal education system khali deemak laga development karne nohoikena physical body laga development nimete bi ase etu nimete tai para youngsters khan ke sports ke integral part of life bonabole kotha kurishe.
Zeliang bhabona kurishe ki etu bhaagh luwa manu khan para discipline aro sportsmanship laga highest standard dikhabo aro Olympic toh ekta starting point thakibo manu khan milikena buibole nimete.Tai para Nagaland, Manipur and Assam laga zeme manu khan ke milikena buibole koishe etu para aro bi milibo Zeliang manu laga fragmented orgarisation ke ekta bonabole nimete.
Etu pichede Olympics toh Special guest para officially khulishe etu pichede Nzauna vs Beisampuilwa majhotte football opening match khelishe.
Olop akhe te special guest punchikena Monolith Multi Purpose Ground, Jalukie Town te khulishe aro etu toh ZBCC Nagaland Executive Secretary, Izieteilung Terieng para dedicate kurishe.Etu opening ceremony toh Holy Newme and Keyi Putlang para loishe aro Jeremiah Pame para presidential speech dishe aro Dr. Alison Kahn Oxford University Film Institute, UK para greetings dise.
Add Comment