California, 20 june 2025: James Gunn laga Superman tu projected ase $135 million rake kurivolae U.S. box office de, ekta report para koise Hollywood Reporters para. three weeks ase jily 11 release nahua time de aru DC films para anticipate kurise studio laga top openers karone. Etia current projection hold kurele, Superman tu secure kurivo strong debut juntu hoilibi short hobo 2016 laga Batman v Superman: Dawn of Justice, loko juntu $166 million para suru hoise. Hoilibi etu cross kurivo 2013 laga Man of Steel, juntu launch hoise $116 million para.
National Research Group(NRG) laga data para kua tut raking line tu $125 million aru $ 145 million majo de takibo. DC Studios aru Warner Bros khan reportedly expectation set kuri ase komti wala $90 million para $125 million majo de.
Social media momentum para box office analyst khan ke dangor opening karone forecast hoi ase juntu $175 million tak jai ase. Etu enika hoile Gunn laga reboot tu sobse dangor wala hobo DC debut de, juntu para surpass kurivo Batman v Superman aru Nolan laga Dark Knight trilogy ke.
Film para mark kurivo first original release James Gunn aru Peter Safran laga leadership DC Studios de.
David Corenswet lead kuri ase Clark Kent laga role, etu laga opposite Rachel Brosnahan , Lois Lane laga role aru Nicholas Hoult para lex Luthor laga role.
Add Comment