Jammu: Sunday pujur, Air Force base te 1st drone para hamla kora aro tuita(2) bomb powa nemite Indian Air Force (IAF) para investigating kori ase koishe. Etu hamla kora samai tui jun IAF personnel khan jokom paishe. National Bomb Data Centre experts, forensic teams aro Jammu & Kashmir police khan joldi blast howa jaga te jaishe, tuita(2) blast toh 5 minute pithor te hoishe koishe. Eta blast para toh technical section laga building roof beya korishe aro dosura toh bahar te putishe. Khobor hesab te 1st blast toh 1.37 AM te hoishe aro dosura blast toh 1.43 AM hoishe koishe. Jokom howa manuh ke elag kori ase aro National Investigation Agency team khan airport te ase koishe. Defence Minister Rajnath Singh para Air Force Vice Chief Air Marshal HS Arora aro Air Marshal Vikram Singh ke Jammu te kotha koribo koishe. Jammu Airport runway aro Air Traffic Contro Satwari, Satwari jaga toh IAF para control ase aro etu jaga te passenger flights be jolai ase. News agency ANI quoted sources para koishe, drones para target kora toh aircraft parked hoikena thaka nemite. Etu howa toh olop gonda akhe Defence Minister aro Army Chief General MM Naravane para Ladakh te tin(3) din visit korikena India operational readiness aro China logot drawn-out standoff nemite kotha koboli samai ase koishe.
Add Comment