Indigenous militant outfit Hizb-ul-Mujahideen para May 6 direk south Kashmir laga Shopian aro Pulwama district deh last Lok Sabha poll lowah time deh vote deya manu khan ke moraidebole dhamki dese.
Thursday din Hizbul para hosiyar janai dekena Shopian jaga laga walls aro electric poles deh poster toh lagaideya thakishe. Anantnag Lok Sabha seat nemide poll toh Monday deh lobole ase.
Poster deh hosiyar janaidekena thaga toh, Army para apuni logode vote debo nemide jobor jos be kuribo pari. Hoilebe sob manu junibole toh buchi thakibo lagi. Shopian deh polling lowah time deh kon vote dae etu khan ke toh moraidebole ase”.
Poster debe parents khan logode tai khan laga wards toh Army Goodwill Schools deh napothabole koishe. Aro etu par kon kotha namani-kena vote dae tai khan logode action toh lobo aro tai khan laga video toh public deh thalibo koishe.
South Kashmir deh situation toh thek nathaga dekhi kena Election Commission para single constituency nemide election toh achanak para three phases deh lobole fesla korideya thakishe. Anantnag district deh polling toh April 23 direk deh lowah thakishe aro April 29 direk Kulgam deh lowah thakishe. Shopian deh polling toh May 6 direk deh lobole ase.
Add Comment