Agencies, 26 March: Union Railway Minister Ashwini Vaishnaw para Saturday te Kashmir Valley te connect kora railway line toh etu saal kothom hobole ase koise. Tai para be special ‘Vande Bharat’ trains toh ahibole saal Union Territory te joli thakibole ase koise.
Nowgam area te Srinagar railway station te ekta press conference te, tai para Udhampur-Banihal track, connecting Jammu with Srinagar toh etu saal December nahoile early next year para kothom hobole ase koise. Etu toh Udhampur-Srinagar-Baramulla rail line te ekta phal progress ase.
Chenab aro Anji bridges aro major tunnels te kum toh ji aro ekta phal progress toh ase koise. Isor laga asish pra, train toh etu route te etu saal December nahoile ahibole saal January-February te jolibo koise.
Tai para ekta specially designed ‘Vande Bharat’ train toh etu line nemite bonaise koise. Sob chese temperature, snow nesana toh mind te rakhise koise, etu special train bona samai te. Ketiya railway line toh khuli, puni te ‘Vande Bharat’ train toh 2024 laga middle te thakibo koise. Project kothom koribole opor te deri howa te hota te, Union minister para 2014 te Prime Minister Narendra Modi para took over agae te komti funding thakise koise.
Project laga cost toh Rs 35,000 crore ase. Tai khan ke Rs 700-800 crores per year he powa thakise. Modi power te ahha bechae te etu te doubled hoise koise. Tai khan para tripled korise aro etiya funding toh six par othaise koise.
Tai para koise, etu saal j-k te railway project nemite Rs 6,000 crore toh budget te junishe koise. Vaishnaw para deri nemite toh technical reasons thakise koise. Tai para Himalayas toh young mountains ase koise. Etu mani tai khan toh soft ase aro tunnelling work toh ektum dekthari ase koise. Hoilebe sob dangor challenges toh etiya kothom hoise aro sob dekthari kum khan toh kothom hoise koise. Chenab railway bridge te engineering marvel hisab te koi kena, minister para etu toh duniya te highest bridges laga ekta ase koise aro desh te highest railway bridge koise.
Add Comment