Jammu & Kashmir te 2 Al-Badr Terrorists thurishe

Srinagar: Jammu & Kashmir laga Kupwara district te Police para tui(2) jun terrorist aro tai jun logot melikena kam kora manuh tin(3) jun ke thurishe. Etu terrorist khan toh Al-Badr group ase aro etu samai tai khan laga hath te bantok aro goole be paishe, koikena officials para khobor toh junaishe. Officer para koishe ke, khobor hesab te, north Kashmir district laga Baramulla-Handwara highway te terrorists perai thaka nemite Kachloo Crossing te security forces para special checkpoint bonaikena thurishe. Gari check kora samai, motorcycle te tin(3) jun manuh toh jaga para pulaishe, hoilebi alert thaka police para tai khan ke thurishe, koikena officer para news agency Press Trust of India ke janaishe. Etu manuh khan toh Mohammad Yaseen Rather, Showkat Ahmad Ganie aro Ghulam Nabi Rather thakishe aro tin(3) jun toh be Kachloo Qaziabad bosti para ase, spokesperson para koishe. Tai khan ke check kora samai, Al-Badr group laga saman besi paishe aro etu oper te bantok aro gooli be thurishe, koikena police spokesperson aro koishe. Investigation hesab te etu manuh khan toh Al-Badr terror group logot melikena kam kora manuh thakishe aro tai khan para terrorists logot khana, thakiboli jaga aro khobor para motob kori thakishe, koikena police spokesperson para news agency Press Trust of India ke aro janaishe. Tai khan para aro terrorist network bona te be motob thishe aro terrorist kahn perabo nemite rata be thikaishe, tai para Press Trust of India logot janaishe. Police para etu oper te cases registered korikena investigation jai ase koishe. Dosura khobor ekta te aro police para aro tui(2) terrorists logot bantok aro goole thurishe, spokesman para koishe. Etu tui(2) jun laga nam toh Saleem Yousuf Rather aro Ikhlaq Ahmad Sheikh aro Watergam jaga laga manuh ase janaishe.