Jammu & Kashmir te 4 jun LeT associates thurishe

SRINAGAR: Sunday din te Jammu & Kashmir’s Bandipora district te security forces para terror unit ekta check korikena, komti hoilebi Lashkar-e-Taiba (LeT) logot melikena thakia 4 jun manuh ke thurishe koikena khobor para janaishe. “etu terror manuh logot melikena thaka manuh khan para toh districts te khobor pongchai dey aro saman transport kora te motob kori thaki koishe. “khobor konuba powa nemite, security forces para check korikena ekta(1) Chinese grenade toh Bandipora, Ashtango bosti te etu grenade logot manuh logot melikena thaka Irfan Ahmad Bhat, Sajad Ahmad Mir aro Irfan Ahmad Jan, koikena etu manuh khan ke thurishe. “Bandipora district, Rakh Hajin te ‘Naka’ (Checkpost) bonaikena thaka samai, security forces para ek jun terror manuh Irfan Aziz logot ekta(1) chinese grenade toh tai laga hath para paishe. “Irfan toh Pakistan based terrorist, Umer Lala logot melikena thakishe. “Irfan aro Pak based terrorist para toh Hajin jaga te terror hamla ekta koriboli plan thakishe koishe. “etu tui(2) cases nemite police stations Bandipora aro Hajin te etu hatsa toh registered korishe,” koikena police laga khobor hesab te janaishe.