New Delhi, February 22 : Shashank Khaitan tu Varun Dhawan aro Janhvi Kapoor logotey “Sunny Sanskari Ki Tulsi Kumari” title laga ekta nurun film nimitey wapas unite kuribole tayar asey. Varun Dhawan aro Shashank Khaitan para poila te, film khan laga Dulhania series tee key logotey kaam kurisey. Kuntu te Alia Bhatt bi thakisey. Shashank Khaitan tu Janhvi Kapoor logotey Dhadak te kaam kurisey, kuntu tu tailaga first film thakisey. Film announcement post te enaka caption likhikina thakisey, “Amikhan laga sanskari tu tailaga Kumari ke lobole jai asey! Etu entertainment logotey bandikina thaka love story tu dangor screen tea hi asey! Sunny Sanskari Ki Tulsi Kumari tu 18 April, 2025 te cinema tea hi asey.” Etu film ke Karan Johar para support kuribole asey.
Internet laga kunba section tu Varun aro Janhvi laga screen pairing logotey eman khusi thakisey aro adha section tu eman khusi thakanai. Comments te Alia Bhatt laga naam dhali thakisey.
Etu film laga details olabole ageyte, Varun Dhawan para tailaga Instafamily ke tease kurisiley. Tai para likhisey, “ Ami ki kuribole asey etu ke loikina aro ami laga ekta film laga title ki asey etu ke loikina bisi announcement olai thaka nimitey, sahi nohoilebi galat prove hobole tayar hoijabi?” Tailaga post tu etu akhwa chuli thaka picheyte olaisey ki tailaga next film tu Dulhaniya series laga third part asey. Karan Johar laga Dharma Productions para etu film khan laga Dulhaniya series te Alia Bhatt aro Varun Dhawan ke Humpty Sharma Ki Dulhania aro Badrinath Ki Dulhania te dhalisiley.
Add Comment