Tokyo, 28 September: Friday din Japan de ektum katharnaak hawa (typhoon) aihese. Weather agency pora be hosiyar jaanideya toh, Japan de ek-hapta kathara hawah aro pani (rain) keri thakibole ase koise. Centre osor de Typhoon Trami ek-khonda de 162 kilometres (100 miles) hoi thaga toh Japan’s southern islands phalli asti jai thakise. Sakiko Nishioka pora AFP logode katharnaak hawah toh Japan laga sob state de hobole ase koise. Aro tai khan pora public logode hosiyar thakibole janaise. Agencies pora etya typhoon toh asti northwest phalli jai ase kowah thakise. Hoilebe etu hawah toh eastward phalli korai ahhibole biswas kori ase koise. Aro Saturday de Okinawa aro Amami laga islands de ponjibole biswas kori ase koise. Public khan logode etu hatsa pora ektum hosiyar koi-kena janaise. Islands de ektum kathara typhoon ahha bechide Sunday din western Japan de ponjibole biswas kori ase. Etu sal agae moina time de, kathara pani toh Western Japan de howah thakise. Aro September debe northern island laga Hokkaido de magnitude 6.6 earthquake howah pora mathi kera thakise aro 40-jun ke moraideya thakise.
Japan de kathara hawah ahhise
Add Comment