Agencies, 1 October: Monday morning Japan de ektum kathara typhoon ahha pora tui-jun moraidese aro 100-opor manu khan ke jokhom koridese. Japan Meteorological Agency (JMA) pora Sunday rati western Japan jaga de ektum kathara Trami ahha pora mathi khan besi kera thakise koise. Aro flood aro mathi kera toh Hokkaido laga northernmost main island de ahhibole bhoi khai thakise. Jowah moina island de kathara earthquake howah thakise. Trami nemide besi commuter lines bondh koribole olaise, hundreds passenger khan pashise aro train stations laga pahar de thakibole ola thakise. Typhoon nahowah agae de, Japanese capital Tokyo pora sob train services toh jowah rati (Sunday night) 8 pm pora bondh kora thakise. Public broadcaster NHK pora 230 flights opor cancel kora toh northern Japan de thakise koise. Western Japan laga Osaka de Kansai International Airport toh din-phor bondh hoi kena thaga bechide Sunday rati airport khula thakise. 4,00,000 khor nesana khan ke power toh bondh kori kena ase. JMA laga hesab de, Sunday morning, Trami pora Okinawa laga southern islands sabha koridese aro Kyushu de hawah toh 213 kilometers per hour (132 mph) thakise. Agency hesab de, Tokai region de flood toh 3.9 meters tak othibole biswas kori ase.
Japan de Typhoon Trami pora tui-jun moraidese
Add Comment