Tokyo, Japan, 30 October : Japan laga agey pilot project ekta fully autonomous nijor chula laga gaari toh suspend huishey ekta chutu accident piche with ekta park kurina thakia cycle logot, officials kuishey Monday dey.
Itu driver nathakia bus nishina gaari, electric golf cart logot olob milina, operation shuru kurishey Eiheiji dey Fukui prefecture dey central Japan dey May.
Itu toh Japan para jaa saal Level 4 public raasta dey nijor chula laga gaari allow kuri dia piche dey thakishey, maaney taikhan toh olob limited jagah pitor dey hi operate kuribo paribo.
Sunday dey itu gaari ekta cycle ke lagishey kuntu raasta osor dey park kurina thakishey, kuishey local official Norifumi Hiramoto.
Four passengers dey kun bhi jokhum huanai aro gaari developers para itu laga kaaran toh bisari asey.
“Itu ghatna laga kaaran najania tak muikhan itu operation suspend kuri asey” tai kuishey.
Ekta Fukui police spokesman para itu accident dey eku jokhum nahua laga confirm kurishey.
Itu gaari, sensors aro radars para obstacles avoid kuriboley design kuria toh,12 kilometres (7.5 miles) per hour laga maximum speed logot chulai thakishey.
Itu suspension toh California authorities para driver nathakia gaari ke robotaxis nishina test kuria suspend kuri dia piche dey ahishey kuntu General Motors laga Cruise subsidiary pada kurishey accident aro alag diktari ulaa piche dey.
Alag industrial desh khan nishina, Japan bhi nijor chula laga technologies public raasta dey pariwoley laga possibility explore kuri thakishey.
Japan, kunu ride-hailing services ban kuria komti kuriboley phabna kuri asey taxi driver khan komti hua laga bishi kuriboley, Level 4 gaari khan 50 jagah khan dey allow kuriboley aim kuri asey three saal pitor dey.
Add Comment